Congress in tanpuina nuai 2 pek an tum

Mizoram Pradesh Congress Committee (MPCC) President Lalsawta chuan eizawnna kawng hrang hrangah a mamawh te tan tanpuina Rs. 2,00,000 an pe dawn tih a sawi.

    Nimin-a Aizawl Congress Bhavan Golden Hall-a Congress Manifesto No.1 'Tang puihna' zirhona an neih ah MPCC President chuan 'Tang puihna' chungchang sawifiahin eizawnna kawng hrang hrangah a mamawh te tan tanpuina cheng nuai hnih an pe dawn tih sawiin, “Chhungkaw mal-a tanpuina pek bakah kut hnathawktute leh kawng hrang hrang hlawhtlin tuma beitute hnenah sawrkarin an mamawh intawm tur thil a tih sak dawn a, heng mamawh intawm tur- kawng siamna, tui lakna, khawl leina leh Society ten an mamawh ang chi ah phei chuan cheng vaibelchhe tel thlengin Sawrkarin an mamawhna zawnah tanpuina a pe dawn tih a sawi a, “Sem policy nena a danglamna chu a mamawh leh hlawhtling ngei tura thawktute hnenah chauh 'Tang puihna' hi pek tur a ni,” a ti a. Sum an enkawl thiam phawt chuan Congress Party Sawrkar lai pawh khana tul apianga hman turin NEDP-ah kum khat ah vbc. 1000 zet an dah thei tih a sawi bawk.

Comments

Popular News (Last 30 Days)

Vawiin-ah HSSLC Exam result