EF&CC Minister in Serchhip Press Club a tlawh

Environment, Forest & Climate Changes Minister TJ. Lalnuntluanga chuan nimin tlai khan Serchhip Press Club tlawhin MJA Serchhip District Member te nen inkawmna an nei.
Serchhip Press Club-a MJA Member te nen an inkawmna ah hian EF&CC Minister chuan Serchhip District-a MJA Member te leh Forest Department-a thawktu ten thawhhona tha tak an nei chu lawmawm a tih thu sawiin, an Department hmalakna hrang hrangah te tha taka an lo tawiawm thinna ah lawmthu a sawi a. Khawvel changkanna leh kan eizawnna kalphung te chu an Department hmalakna te nen inkalh anga ngaih theih a awm fo thu sawiin, amaherawh chu Environment leh Forest humhalh erawh thil tih makmawh a nih thu a sawi a. An Department chuan hmasawnna hrang hrangte chu dodal an tum loh thu sawiin, mahse Dan anga thil tih ngai te a awm ve thu leh heng te hi ngaihtuah tlan zel a tul thu a sawi a, thawhhona nen thil tih thin a pawimawh thu a sawi a. Journalist te chuan an Editorial leh News lamah te mipuite zirtirna lo uar deuh deuh se a duh thu a sawi bawk.

He inkawmna hun hi MJA Serchhip District President C. Lalhminghlua chuan kaihruaiin MJA Serchhip dinhmun te Minister hi hrilhin harsatna an neih te a tarlang bawk a. He hunah hian EF&CC Minister hi Thenzawl DFO Lalbiakchama Chawngthu leh I&PR Deputy Director K. Saitluanga bakah Party lama a thawhpui thenkhat ten tawiawmin inkawmna hun tha tak an hmang a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man