DIET-a thawktu ten hna an chawlhsan rih

Mizoram DIET hrang hranga thawk, Association of Mizoram DIET Employees (AMDE) chuan an service chungchangah harsatna hrang hrang an tawh avang leh thla 6 chhung hlawh an lak tawh loh avangin nimin atang khan chawlin, ei tur thawhchhuah a ngaih avangin an hna pangngai an thawk thei rih lo tih an tarlang.

Nimin a thuchhuah an siamah AMDE chuan an service chungchangah harsatna hrang hrang an tawh bakah thla ruk chhung zet hlawh an la tawhlo tih tarlangin, Mizoram sawrkarin an hlawh tur atana a tum ve tur, State Matching Share a pek theih loh avangin thawktu ten an eitur ngaihtuah an ngai a, hna an thawk thei tawhlo tih an sawi a, hemi chungchanga an harsatna te chu Mizoram mipuiten hrethiam turin an ngen tih an tarlang bawk.

AMDE chuan DIET hnuaia thawktute hlawh tur chu Central Sawrkar in zaa 60 leh State Sawrkarin zaa 40 a tum thin nia sawiin, State-in a tum ve tur 40% chu State Budget-ah dah a nih ngai loh avangin Central-in a rawn tum thin chu hman zawh a nih hnuah an hlawh ah harsatna an tawk ngei ngei thin niin an sawi a, he harsatna sukiang turin leh State Budget-a State in a tum tur chin chu dahluh ve an duh tih an sawi bawk.

AMDE thuchhuah chuan Para-Academic Staff post engemaw zat kum 2021 atanga Central-in an hlawh a rawn pek tawh loh te tun thlenga an dinhmun chinfela a la awm lo chu a rang thei ang bera an dinhmun chinfel nise tiin NEP 2020 in Stand Alone Institution a phal tawh loh avangin DIET kal zel dan turah Mizoram sawrkar in ruahman chhinna takngial pawh a la nei lo niin an tarlang bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar