ZMC-a MBBS zirchhuak ten Internship an ti tan

Zoram Medical College (ZMC) atanga MBBS zirchhuak zirlai 68 te bakah Foreign atanga zirchhuak zirlai 6 te chuan nimin atang khan ZMC-ah Internship an tan a. Hemi puala Internship Orientation Prog-ramme neih chu Health Minister Dr. R. Lalthangliana chuan a hmanpui a ni. ZMC Lecture Hall-a he hun hmanah hian Health Minister Dr. R. Lalthangliana chuan ZMC zirlai ten Internship an tan thei tur chu thil chhinchhiahtlak tak, Mizoram in mellung kan phun thar pawimawh tak a ni, a ti a. Hripui len nasat laia Dedicated Covid Hospital-a ZMC puan a nih avanga zirlaite harsatna tawh pawhin kian lam a pan mek chu lawmawm a tih thu sawiin, ZMC-a PG Course hawn a nih theih nan leh India ram a Medical College tha ber pawl a nih theih nana tan lak puiah kalkhawm te chu a sawm bawk a ni.