ZMC-a MBBS pass tharte Internship tan remti

National Medical Commission (NMC) hotute chuan ZMC a MBBS pass thar te Internship tan an remti.

Inrinni khan Health Minister Dr. R. Lalthangliana chu New Delhi-ah kalin National Medical Commission (NMC) hotute a dawr a, kumin January 9 khan NMC Assessors te'n ZMC Inspection an lo nei tawh a. Tlak-chham (deficiency) thenkhat la awm te chu sawrkarin theihtawp chhuahin a ti puitling zel a. Kumin March thla chhung khan Mizoram University chuan Final MBBS Exam buatsaihin, result pawh a tichhuak fel tawh bawk a ni.

Health Minister leh Niti Aayog-a Member Dr. VK. Paul te chuan NMC Chairman leh NMC a thuneitu sang (Advisers, Board Member) te dawrin, April 22, 2023 khan ZMC-a MBBS Batch hmasa ber te chu Internship program tan nghal turin an remti ta a ni. ZMC-a zirchhuak MBBS te bakah, Foreign Medical Graduate te tan seat riat (8) internship tih phalna chu NMC hian a lo pe tawh bawk a ni.