YMA inkhawmpui lian atan theihtawp chhuah tum

Hrangturzo Bialtu MLA leh Home Minister Lalchamliana chuan kumin a Biate in YMA Inkhawmpui Lian a thlen tur chu hlawhtling tak neih theihna turin Organising Committee te nen theihtawp chhuah tlan an tum thu a sawi.
    Hrangturzo bial tlawha zin mek Home Minister Lalchamliana hian kumin October thlaa Biate khuaa YMA Inkhawmpui Lian 2023 neih tur atana inbuatsaihna kal mek chu nimin khan tlawhin a enpui a. Khawmpui Lian Organising Committee-ten ruahmanna leh hmachhawp an neih hrang hrangte lo hrilhin, hmalak dan turte sawihona an nei bawk a ni. Hei bakah hian Khawmpui neihna tura Pandal sakna tura ruahman Biate Playground leh a chhehvel te pawh a hmunah kalin Home Minister chuan a enfiah bawk a. YMA Inkhawmpui Lian 2023 hi kumin October thla a neih tura ruahman niin, khawmpui hlawhtling tak neih a nih theih nana theihtawp chhuah tlan dan turte pawh ngaihtuahho a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar