Tut lui-ah Nghakuai in Sangha in man siak

Mamit leh Rawpuichhip inkar-a Tut Lui Lei hnuai leh a chhehvel ah nimin khan Nghakuai hmanga Sangha in man siak neih a ni.

Fisheries Department, Forest Department, Tourism Department, Mizoram Angling Association leh Dapchhuah YMA buatsaih ni hnih awh tur Nghakuai inkhaisiakah hian mi pakhat tan Rs. 700-a inziahluh theih a ni a, mahni Sangha man chu neih nghal zel tur a nih bakah Sangha man lian zual mi pathum hnenah lawmman atan Rs. 10,000, Rs. 7,000 leh Rs. 5000 zel pek tura ruahman a ni bawk.

He hun hi Fisheries Minister K. Lalrinliana chuan hmanpuiin Sangha leh lui-a nungcha dangte chu Pathian in kan chaw atana min pek, kan humhalha, Tur leh dan lo anga kan sawisak loh chuan inthlahpung chak tak an ni tih a sawi a, kan lui neihte kan humhalh phawt chuan Sangha leh kan lui dung a cheng kan ei thin dangahte hian kan intodelh theih ngei a rin thu a sawi bawk.

Dapchhuah YMA President Lalthantluanga chuan kum 1998 atang khan Tut Lui-a Sangha hi humhalh tan a ni a, tun tum hi an man vawi khatna a ni a. Nimin khan Nghakuai chiah tuma inziaklut mi 2,500 chuang an awm a ni.

Comments

Popular News (Last 30 Days)

Vawiin-ah HSSLC Exam result