Wild Life (Protection) Amendment Act, 2022 zirho

Tun thla atanga hman tan Wild Life (Protection) Amendment Act, 2022 chungchang zirhona chu nimin atang khan Mizoram chhunga Forest Division tin-a DFO leh Range Officer te tan neih tan niin Vawiin hian chhunzawm a ni ang.

Sawrkar laipui chuan Wild Life (Protection) Amendment Act,2022 hi April ni 1, 2023 atanga nungchate humhalh, venhim leh enkawlna kawnga khauh lehzuala kalpui a nih theih nan hman tan turin hriattirna a tichhuak tawh a ni. Wild Life (Protection) Amendment Act, 2022 hi dan hmasa zawk Wild Life (Protection) Act, 1972 siamthatna niin he dan tharah hian Convention on International Trade in Endangered Species (CITES)-in ramsa a humhalh chinte chu a rawn tihpun mai bakah, ramsa hmanga sumdawnna chungchangah khuahkhirhna a siam thar a; Dan hmasa a dan bawhchhetute hremna pawisa chawi tur pawh a rawn tisang bawk a ni.

Chief Wildlife Warden, Environment, Forests and Climate Change Department, Mizoram leh Wildlife Trust of India tangkawp buatsaih he zirhona hun hi Chief Wildlife Warden Conference Hall, Aizawl-ah neih niin PCCF (HoFF) RK. Singh chuan a hawng a, Key Resource Person Rakesh K. Singh, Ph.D, Trustee & Scientific Advisor, Wildlife Trust of India hovin zirho a ni a, hetiang zirhona hi tunhnaiah tum 4 an huaihawtna a ni.

Comments

Popular News (Last 30 Days)

LPG man bithliah thar