Volleyball Final khel dawn

Serchhip District Volleyball Association buatsaih ‘Age Group Volleyball Tournament’ chu Vawiin hian Final khelh a ni dawn
. Nimin khan hmeichhia kum 19 hnuailam inelna ah Semi Final khelh niin Vengchung Volleyball Club in Chhiahtlang Volleyball Club chu 3-2 (25-20, 24-26, 25-22, 26-28, 16-14) a hnehin Final an lut a, Field Veng Branch YMA Thenzawl in North Vanlaiphai G&SA chu 3-1 (25-12, 12-25, 25-12, 25-15) a hnehin Final an lut bawk.

Mipa kum 17 hnuailam inelna ah erawh document diklo hmanga khel an awm tih hriat an awm avangin Khawbel GSA chu suspend an ni ve leh a, hei vang hian Khawbel aiah hian Chanmari Volleyball Club chu nimin khan Quarter Final khelh tir leh niin Zote South GSA nen an inhmachhawn leh a, Zote South GSA in hnehna changin Semi Final-ah Ngentiang GSA nen inhmachhawn leh tur an ni a. Nizan khan Mipa Semi Final hi khelh niin Match hmasa zawkah Bungtlang Bazar Sporting Club in Lallianzela Memorial Keitum 3-0 in an hneh a, Zote South GSA chuan Ngentiang GSA chu 3-2 a hnehin Final an lut bawk.