Vawiin-ah Volleyball Semi Final khelh a ni dawn
New Serchhip Volleyball Court-a khelh mek ‘Age Group Volleyball Tournament’ ah hian nimin khan kum 17 hnuailam mipa te tana Quarter Final match hmasa ber khelh tur chu match cancel a ni a, inkhel vawi hnihna turah Ngentiang GSA chuan Vengchung Volleyball Club chu 2-0 (22-20,25-20) a hnehin Lallianzela Memorial Keitum chuan Chhim Veng Volleyball Club chu 2-0 (25-19, 26-24) in an hneh a. Khawbel GSA in 2-0 bawkin Zote South GSA chu an hneh bawk.
He Volleyball Tournament-ah hi kum bithliah awma khelh a nih avangin Team 4 te chu Document fel loh avang leh team Squad-a awm lo an khelh avang leh midang Certificate hmanga an khelh avangin disqualied an ni a. Hei vang hian Semi Final khel turte pawh danglam deuhin Bungtlang Bazar Sporting Club leh Lallianzela Memorial Keitum te an inhmachhawn anga, Ngentiang GSA leh Khawbel GSA te an in-hmachhawn bawk ang.
Hmeichhia kum 19 hnuailam inelna ah nimin khan New Serchhip Volleyball Club in Khawbel GSA chu 2-1 (26-24, 20-15, 15-08) in an hneh a, North Vanlaiphai G&SA in Ngen-tiang GSA chu 2-0 (25-16, 25-20) in an hneh bawk. Hmeichhe inelna ah hian Vawiin hian Semi Final khelh a ni dawn bawk a, Vengchung Volleyball Club leh Chhiahtlang Volleyball Club te inhmachhawnin Field Veng Branch YMA Thenzawl leh North Vanlaiphai G&SA te an inhmachhawn dawn bawk a ni. Vawiin hian zing dat 9:30-ah inkhelh tan a ni ang.