Tribal Artisan Mela nei dawn
India hmarchhak a Tribal mi kut themthiamte hamthatna tura Scheme thar duan 'Marketing and Logistics Development for Promotion of Tribal Products from North-Eastern Region (PTP-NER)' hnuaia hmalakna pakhat atan Tribal Cooperative Marketing Development Federation of India Limited (TRIFED) Team te chuan Mizoram-a District panga- Lawngtlai, Lunglei, Hnahthial, Serchhip leh Aizawl an rawn tlawh dawn a, he hunah hian Tribal Artisan Mela (TAM) an buatsaih tum niin Serchhip-ah pawh tun thla ni 27 leh 28 khian he hun hi buatsaih tum a ni.
Serchhip District-a he Programme hman dan tur hi nimin khan Serchhip DC Meeting Hall-ah District Bawrhsap Nazuk Kumar hovin ngiahtuah a ni a, April ni 27-ah Serchhip leh April 28-ah Thenzawl-ah TAM hi neih tura ruahman a ni a, a hmunhma tur leh Dawr hawn dan tur ruahmanna te pawh siam a ni bawk.
NER Scheme hnuaiah hian North East-a Tribal mi kut themthiamte (Artisans) mi 60,000 chuang te an hnuaia an inziahluh theih nan TRIFED chuan hma a la dawn a, hemi kawnga an hmalakna pakhat atan hian Mizoram a District panga-ah te hian Tribal Artisans Mela hi an buataih dawn a ni. TRIFED Team te hian April ni 14-ah Aizawl rawn thlengin hemi hnu hian Lawngtlai atanga tanin District 5-ah hian hun an hmang ang.
Nimin-a thutkhawm ah hian DUDO Gaston Vanlalhriatpuia leh SDC Lalhruailiana Zote bakah District Cooperative Officer leh MzSLRM a Block Mission Manager te pawh an tel ni.
Comments
Post a Comment