Fimkhur loh avanga ram tikang mi 11 hrem tawh

/

Kumin (2023) chhungin Thenzawl Forest Division huamchhungah fimkhur loh avanga ram tikang mi 11 awmin heng mite hi pawisa chawitir an ni.

Thenzawl DFO Lalbiakchama Chawngthu sawi danin kumin chhung hian Thenzawl Forest Division huamchhungah sawrkarin Lo/Huan hal hun hnuhnung tura a bituk March 15 chuan zawm a hlawh tha viau a. Forest Range hrang hrang report khaikhawmna atanga a lan danin kumin chhungin Thenzawl DFO huamchhung ah Lo/Huan hal 162 awmin, Lo hal zau zawng hi Hactare 503 vel ni a chhut a ni a. Lo hal pawn lama ramkang hmun hrang hrangah a awm bawk. Fimkhur loh avanga ram tikang hrem mi 11 awm tawhin, heng mi te hremna atana sum chawi tling khawm hi Rs. 12,000/- a ni bawk tih

DFO Lalbiakchama Chawngthu chuan a sawi a ni. Thenzawl DFO chuan ramkang vangin Police Station-ah FIR pakhat file a ni tawh tih sawiin, tunlaiin khua a ro in ramkang a la hlauh-awm em em reng a, mitin te ram tikang lo tura fimkhur theuh turin an ngen tak meuh tih a sawi bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »