Social-Mobilisation Campaign hawnna hmang

India rampum a Azadi Ka Amrit Mahotsav (AKAM) hman mek denchhenin nimin khan DAY-NRLM chuan ‘Social-Mobilisation Campaign’ hawnna an nei a, Serchhip RD Block pawhin Tuikum Cluster Level Federation (CLF) Office, Chhingchhip-ah he hun hi an hmang a ni.


Nimin-a Social-Mobilisation Campaign hawnna hun hi Ministry of Rural Development, Govt. of India hotute leh India ram puma Self-Help Group (SHG) te nen Online/Live telecast kaltlanga hmanho niin sawrkar laipui-a Rural Development Minister Giriraj Singh chuan Online leh Backdrop hmangin SHG member te hma ah hawnna hun a hmang a ni.


He Mobilization Campaign-ah hian thupui atan 'Sangathan Se Samriddhi' (Leaving No Rural Women behind) tih hman niin India ram pum-a SHG dinhmun ngaihthlak a ni a. Self Help Group (SHG) members vbc. 9 vel telin an hmalak zel dan turte an sawiho nghal a. Kum 2023-a Social Mobilization Campaign chhung hian SHG member vbc. 10 a kai chho tur tura hmalakna beihpui thlak tur niin SHG kaltlang hian thingtlanga chhungkaw tam takin eizawnna bul an tan a. Hei bakah hian mahni a eizawnna neih sa ti changtlung chho zelte leh SHG member hlawhtlinna chang tawh te bakah hmalakna chhuanawm tak tak an kalpui mek chanchin (Success story) te ngaihthlak a ni bawk.

SHG te hian eizawnna bul tan nan Bank loan hmang tangkaiin tha taka rul zelin Non Performing Assets (NPA) awm thei lo khawpin theihtawp an chhuah a, Bank lama an loan lakah harsatna em em tawk lovin tha taka an rulh thin bakah hmasawnna kawng hrang hrang neiin mi tangkai tak an ni chho zel bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar