Tang tlanchhuak zinga mi pahnih man an ni

/

Niminpiah zing-a Lunglei District atanga tang tlanchhuak mi 5 zinga mi nia hriat mi pahnih te chu nizan khan Lunglei District-a Mausen khua ah man an ni.

Thudawn danin Mausen khua hian nizan hmasa atang khan tang tlanchhuak zawn hna hi thawkin nizan dar 8:15 vel khan Mausen khaw bula Hotel pakhat-ah heng mi pahnih te hi man an ni a. Heng mite hi an chau tawhin eitur zawngin Hotel hi an pan nia rin a ni a, tang tlanchhuak nia rinhlelh an nih avangin khawtlang hruaitute hriattir an nih hnuah heng mite hi man an ni a, tang tlanchhuak zinga mi Dokapthanga leh Lalbawiliana te niin heng mite la tur hian nizan vek khan Police te chuan helai hmun hi an thleng ve nghal a ni.

Tarlan tawh angin nizan hmasa zanlai pelh hnu khan Lunglei District Jail-a tang mek mi 5 te chu an tanna atang hian an tlanchhuak a, an zinga mi 4 te hi ruihhlo kaihhnawiha man leh thubuai nei lai niin midang pakhat hi tualthah thubuai nei lai a ni thung.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »