Serchhip-ah Tribal Artisan Mela (TAM) neih a ni

Nimin khan Serchhip DC Conference Hall-ah Serchhip District tan Tribal Artisan Mela (TAM) neih a ni a, District Bawrhsap Nazuk Kumar IAS chuan a hmanpui a ni.
Serchhip-a Tribal Artisan Mela-ah hian UD&PA, Co-operation Department leh MzSRLM hmalakna hnuaia Self Help Group, Cooperative Society leh mimal thilsiam lam thiam mi 60 velin an thilsiam an phochhuak a, heng te hi TRIFED lama mithiamten endikin lian tham leh zau zawka zawrh theih dan te, hlawk zawka hralh theih dan turte an en a. Sample phochhuahte hi an hmunpui lama thawn turin an lei sak bakah TRIFED hian Registration an neih pui bawk a, tuna in register/empanel tawhte tan hian India ram khawpui a TRIFED Mela an la neih leh zel turah pawh kalna hun remchang siam sak theih an beisei bawk.


Tribal Artisan Mela (TAM) in a tum ber chu hmun kilkhawr zawka miten an thil-siamte phochhuahna remchang an neihna tur  leh an thiamna hmanga intodelh tir tura tanpui a ni a. He hun hmang tur hian TRIFED atang hian Mamata Sharma, Deputy General Manager (Marketing), TRIFED Head Office, New Delhi leh Raj Vashisth, Regional Manager, Mizoram State viltu Regional Office, West Bengal te bakah North East Handicraft & Handloom Development Corporation aiawh mi pahnih an lo kal a ni.

Tribal Artisan Mela hi tunkar Thawh-tanni khan Lawngtlai District-ah bul tanin neih a lo ni tawh a, hemi hnu hian Lunglei leh Hnah-thial-ah te nei lehin Serchhip District-a neih mek hi Vawiin hian Thenzawl Lothazawl Football Ground-ah neih leh tur a ni ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man