Mizoram-a tlawmngai pawl lian 3 te thukhawm

Mizoram-a tlawngai pawl lian pathum - Central Young Mizo Association, Central Young Lai Association leh Mara Thyutlia Py General Hqrs. a hruaitute chuan nimin khan YMA Sub-Hqrs, Lunglei Conference Hall-ah inkawmna an nei.

He inkawmna hi Central YMA President R. Lalngheta chuan kaihruaiin Mizoram-a tlawmngai pawl lian pathum ten kan ram leh hnam hmasawnna atana inpumkhatna tha zawk leh thawhhona tha zawk an neih a pawimawh thu a sawi a. He hunah hian YMA atangin mi 30, YLA atangin mi 16 leh MTP atangin mi 8 an kal a ni.

He huna tel te hian Myanmar leh Bangladesh atanga râltlante chungchângah râltlante chhinchhiahna fel fai tak siam tha an ti a. He chhinchhiahna chauh hi Sawrkar emaw, pawl dang emaw pawhin hmang se an duh thu an sawi a. Mizorama inkalpawhna kawngpui siam tha tawk lo, a bîkin chhimlam tlângdunga kawngpui siam te hei âia tha leh tlo zawka siam a nih theihna atan hmalakna tur hrang hranga hma lâk ho tha an tih bakah, inpawhna tha lehzual a awm theihna atan inkhawmpui lian an hmanna-ah in palai tawn a, chanvo in pek tawn thin tha an ti bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar