Mizoram-a GST zirchiang turin Larsap a kawm

Mizoram-a GST zirchianna nei a lo zin CEX & Customs, Guwahati Zone-a Chief Commissioner CGST Yogendra Garg chuan niminpiah chawhnu khan Governor Dr. Hari Babu Kambhampati chu a kawm.

Raj Bhavan-a an inkawmna ah hian Yogendra Garg chuan Mizoram a rawn tlawh chhan hi Governor chu hrilhin, Mizoram Goods and Services Tax (GST) dinhmun a sawipui a. Mizoram-ah GST kaltlang a Chhiah petu an la tlem thu hrilhin, a bik takin Mizo Contractor- te zingah GST hmanga chhiah pe an la tlem hle niin Governor hi a hrilh a. Mipui zingah GST chungchang hriatfiah tawk lohna a sang hle nia a hriat thu pawh sawiin, hei vang hian sawrkarin chhiah a hmuh tur ang a hmu tawk lo a ni, a ti bawk.

He inkawmna a Governor Dr. Hari Babu Kambhampati leh Yogendra Garg ten an sawidunna atangin Central lam atanga State GST Official-te mumal taka training pek te, mipui zingah GST chungchang uar zawka inzir-tirna leh GST in hamthatna a ken tel hrang hrangte inhrilhfiahna lam kalpui uar te chu hmalak hmasak ngaihna niin an sawi a ni.An sawi dunna ah hian Export Processing Zones (EPZ) leh Special Economic Zones (SEZ) chungchang te pawh an sawidun bawk a ni.

Heng bakah hian Mizoram chhunga hnathawktute hnathawhna hmun siamthat leh Mizoram tharchhuah tihpun a nih theih nan leilung hausakna a neih ang ang te chak zawka haichhuah chungchang te pawh Governor leh Yogendra Garg te hian an sawi bawk a. Mizo-ram in chhiah tam zawk a hmuh theihna turin GST petu an tam a ngai hle tih tarlangin, GST chu a nih dan tur ang taka kalpui a ngaih thu an sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar