Police hnathawh tanpuina ngaituah chhuak tura Computer thiam rual intihsiakna Larsap in a hawng

Police hnathawh tanpuina ngaituah chhuak tura Computer thiam rual intihsiakna, Hackathon chu nimin khan Police Hqrs. Arya Mess-ah Governor Dr. Hari Babu Kambhampati chuan a hawng.

Mizoram Police leh National Institute of Technology (NIT), Mizoram tangkawpa buatsaih Hackathon (Hackadventure) hawnna hunah hian Governor chuan Mizoram Police ten hlawhtlinna lian tak tak an sual chhuaka, dan leh thupek kenkawh kawngah te, ruihhlo do kawngah te, hnu chhui kawngah te, pawikhawihna chhuihchhuah kawngah te, Aizawl leh khawpui danga lirthei veivak mumal taka kaihhruai kawngah leh thil dangah te hna ropui tak an thawh thu sawiin, NIT leh Mizoram Police ten Computer thiam rual, zirlai hmabak eng tak nei te tana ram venhimna kawnga thluak thawh tura chona an chhawpchhuak chu ngaihtuahna fing taka atanga hmalakna a ni tih a sawi a, he intihsiakna hian rah tha tak a chhuah a rin thu sawiin, Computer thiam bik, zirlai rual te chu ram tana an theihna sang ber chhuah tura fuihin duhsakna a hlan nghal a ni.

He huna Mizoram Police aiawha thu sawitu DGP Devesh Chandra Srivastava chuan Prime Minister in ram venhimna atan Poilce te Technology thar ber bera thuam chak tura hma a lo lak tawh angin India ramah Smart Policing hi chak taka kalpui mek a nih thu a sawi a. Tunhnai chho ah Cyber Crime a pung nasa hle a, sum chungchanga inbumna, mipat hmeichhiatna rawngkaia pawikhawihna, Child Pornography leh Dark Web kaltlanga dan bawhchhiatna a hluar chho mek tih a sawi bawk.

Hackathon hi April 27 atanga 29, 2023 chhunga neih tur a ni a, zirlaite chuan dan leh thupek kengkawhtuten an nitin hnathawhah eng harsatna nge an hmachhawn thin tih te leh Cyber Crime chungchang te an zir anga. Heng an thil hmuhte behchhan hian Dan leh Thupek kengkawhtute mamawh leh hman tangkai tur technology duanchhuah an tum dawn a ni.

Comments

Popular News (Last 30 Days)

Vawiin-ah HSSLC Exam result