Mitdel hawrawp-a chhut SCERT Text Books hlan

Social Welfare & Tribal Affairs Minister Er. Lalrinawma chuan Mizoram-a a vawikhatna atan Mitdel hawrawp-a chhut SCERT Text Books chu nimin khan Tribal Art Centre, Tanhril ah a hlan.

Nimin-a he Text Book hlanna hunah hian Er. Lalrinawma chuan a vawikhatna atan Mizoram chhung ngeiah Mitdel hawrawp (Braille) a chhut zirlaibu buatsaih fel a ni thei chu rualbanlo te hmakhua ngaihtuahtu Department changtu a nihna ang pawha a lawm thu sawiin, hetiang hlawhtlinna nei tura Department lama thawktu leh hma lo la tawh thin tute chungah lawmthu a sawi a. He Scheme hnuaiah hian Ministry of Social Justice & Empowerment (Govt. of India) chuan Braille Press dinna tur a rawn tum a, mahse a thawktute rawih leh an lawmman tur, a hmunhma leh tul dangte chu state sawrkar kutah dahin, Finance Department lamin a pawimawhna hriatpui a, hetiang a hma lak chhoh theih a ni chu Finance changtu Chief Minister Zoramthanga chungah lawmthu a sawi bawk.

Minister chuan pianphunga harsatna neite tan pawh he khawvel hi chenna hmun nuam leh hlimawm tak a kan buatsaih sak a tul thu sawiin, sawkar chuan heng Vohbikte hi a ngaipawimawh em em a, an tan Right of Person with Disabilities Act 2016 siamin he danin a phut thilte tih hlawhtlin anih theih nan ‘Scheme for Implementation of Person with Disabilities’ (SIPDA) chu MSJE hnuaiah kalpui mek a nih thu leh rualbanlo ten midangte ang bawka hmasawnna an ban phak ve theihna turin ‘Accessible India Campaign’ kalpui a nih thu a sawi a. Hemi hnuaiah hian sawrkar building 27 zet ah a remchan dan angin Ramp leh Lift te, vawnban, inthiarna remchang zawk te Tactile Strips siam a nih thu  sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar