Ruihhlo vanga thi tam tawh

Mizoram-ah kumin January atanga April ni 11 thleng khan ruihhlo vanga thi mi 26 an awm tawh a, nikum (2022) chhunga ruihhlo vanga thi mi 43 zatve aiin an tam tawh a ni. Excise & Narcotics Department (END) chhinchhiah danin, kumin chhung a ruihhlo vanga thi mi 26 zinga mi 5 te chu hmeichhia niin midang 21 te chu mipa an ni a. Kum 1984 atanga kumin April ni 11 thlengin Mizoram-ah ruihhlo vanga thi mi 1,736 an awm tawh a, chung zinga mi 1,531 te chu mipa niin midang 205 te chu hmeichhia an ni thung a ni. Mizoram-a ruihhlo vanga thi te chhinchhiah an nih hnuah kumin hian ruihhlo vanga thi hi an tam fal hle niin a lang a, tun ang renga a kal a nih chuan kumin hian Mizoram in kum khat chhunga ruihhlo vanga thi tam ber kum tawng thei dawn niin a lang a ni.