MADC-ah VC thlang turin inbuatsaih mek

Mara Autonomous District Council (MADC) huamchhunga Village Council inthlanpui chu tun thla ni 18 khian neih a ni dawn. Nimin khan Siaha DC leh District Election Officer Lalhmunsanga Hnamte chuan he inthlanna neih tur chungchangah hian thuthar thehdarhtute a kawm a, he huna tarlan a nih danin inthlanna hi VC 99-ah neih tur niin Seat 591 a awm a, heng zinga 393 chu General Seat niin Reserved Seat (Hmeichhia te tana hauh) 99 a awm a, heng bakah hian Ruat Seat (Nominated Seat) 99 a awm bawk a ni. General Seat 393 chuh tur hian Candidate 1011 awmin Reserved Seat 99 chuh turin Candidate 239 an awm bawk a, Candidate zawng zawng hi 1250 niin Vote nei thei 43,120 an awm bawk a ni. Political Party zingah BJP in Candidate ngah berin 454 an nei a, INC in 262, MNF in 402 leh ZPM in 84 neiin Independent Candidate 49 an awm bawk a ni.