MFA Cup-ah FC S. Kawnpui kal dawn

Zonuna Kawlni /

MFA Cup 2023 chu karleh Thawhtanni atang khian Khawzawl-ah khelh a ni dawn a, Serchhip District aiawhin FC Serchhip Kawnpui te an kal dawn a, inbuatsaihna ngawrh taka kalpui mek a ni.
 Mizoram Football Association (MFA) buatsaih MFA Cup 2023-ah hian Mizoram District 11 zingah Lunglei leh Siaha District an tel theih dawn loh avangin District 9 an inel dawn a, heng District 9 te hi Group 2-ah then niin Serchhip District hi Group B-ah Lawngtlai, Saitual leh Mamit District te nen an awm dawn a, Group A-ah a thlengtu Khawzawl bakah Champhai, Hnahthial, Kolasib leh Aizawl District te an awm dawn a ni.

Kumin a MFA Cup khelh turah hian Serchhip District aiawhin FC Serchhip Kawnpui te an kal dawn a, anni hi kumin-a Serchhip District Football Championship khelh-a Champion kha niin an Match hmasa ber chu April 18 khian khelin Mamit aiawha kal Field Veng FC an hmachhawn anga, April 20-ah Lawngtlai District hmachhawnnin April 24-ah Saitual District an hmachhawn leh bawk ang.

Comments

Post a Comment

Popular News (Last 30 Days)

Serchhip DCSO sawn a ni

Zonuna Kawlni /
Image
Serchhip-a District Civil Supply Officer (DCSO) mawhphurhna la mektu Vanlalhriata chu FCS&CA Directorate-ah Asst. Director hna chelh tura sawn niin Asst. DCSO hna chelh mektu R. Zirliana pawh Kolasib-a DCSO hna chelh tura sawn a ni bawk a. Serchhip-a DCSO hna chelh tur hian FCS&CA-a Deputy Director nilai Lal-hmuakliana chu dah a ni.
Kimchang zawkin »