Mizoram huap Carrom inelna Serchhip-ah khel tan

Zonuna Kawlni /

Mizoram Open Ranking Carrom Championship 2023-2024 chu nimin khan New Serchhip YMA Hall-ah khelh tan a ni.
    Mizoram State Sports Council (MSSC) bultuma Mizoram Carrom Association leh Serchhip District Carrom Association tangkawp in an buatsaih Mizoram Open Ranking Carrom Championship 2023-2024 ah hian Category 4-ah inelna neih a ni a, Men's Singles-ah mi 46 telin Women's Singles-ah mi 8 an tel a. Men's Double-ah pair 26, mi 52 telin kum 50 chunglam inelna ah mi 14 an tel bawk a ni. Serchhip in a tum khatna atana a thlen Mizoram Open Ranking Carrom Championship hi Aizawl khawpui pawn lama buatsaih a nih vawi khatna a ni bawk a, nimin atanga khelh tan ni mah se Vawiin chhun hian a hawnna neih a ni anga, naktuk-ah zawhfel hman tura ruahman a ni.

Comments

Post a Comment

Popular News (Last 30 Days)

Serchhip DCSO sawn a ni

Zonuna Kawlni /
Image
Serchhip-a District Civil Supply Officer (DCSO) mawhphurhna la mektu Vanlalhriata chu FCS&CA Directorate-ah Asst. Director hna chelh tura sawn niin Asst. DCSO hna chelh mektu R. Zirliana pawh Kolasib-a DCSO hna chelh tura sawn a ni bawk a. Serchhip-a DCSO hna chelh tur hian FCS&CA-a Deputy Director nilai Lal-hmuakliana chu dah a ni.
Kimchang zawkin »