Lunglei-ah SEDP kalpui dan tur sawiho a ni

Nimin khan Lunglei-ah District Level Socio-Economic Development Policy (SEDP) Committee chu an Chairman leh Lunglei DC Ramdinliani hova thukhawmin SEDP kalpui zel dan tur sawiho a ni a. Lunglei District Level SEDP Committee chuan SEDP thawhhnihna hi Mizoram State E-Governance Society(MSeGS) te nena tangrualin online a kalpui tum a ni. Lunglei District-ah pawh Assembly Constituency tin atanga mi 1400 zel, an vaiin District puma chhungkua 9,800 te SEDP thawhhnihna dawng tura thlan te chu online a kalpui tur a ni a. Village Level Committee in ni 14.4.2023 thleng beneficiary list District Level Committee-a thehlut tura tih niin District Level SEDP Committee in an District theuha beneficiary list an lakkhawm te chu SEDP Executive Board ah ni 28.4.2023-a thehlut tura ruahman a ni.