Mamit-ah Revenue Minister in NGDRS a hawng

Land Revenue & Settlement Minister Lalruatkima chuan nimin khan Mamit-ah Computerization of Registration, National Generic Document Registration System (NGDRS) tlangzarhin Sub-Registrar's Office (SRO) a hawng.

    Hemi puala inkhawm Mamit DC Conference Hall-a neih ah Revenue Minister chuan ram inchuh vanga buaina thleng chu khawvela buaina tam ber anih angin a chingfeltu Department te tana thil tangkai tak leh India rampuma kalpui mek, kan document te vawnthatna tur NGDRS Computerization of Registration Mamit-a hawn theih a ni chu lawmawm a tih thu leh tangkai taka hman anih ngei a beisei thu a sawi a. NGDRS chu rampumah kan In leh lo, lehkha pawimawh felfai taka dahthat anih theih nana siam anih angin kan ram leina leh hralhna-ah te, kan ramri buaina-ah te pawh he Software hian kan harsatna a sutkian a beisei thu a sawi a, Court-in document registration loh chu thutlingah a pawm lova, thiam kan chan theihna atan NGRDS Software chu hmang ngei thin turin kalkhawmte a chah bawk.