LMC-a Councillors lalutin hruaitu thlan nghal a ni

Lunglei Municipal Council (LMC) hnuaia Councillors thlan thar mi 11 te chu nimin khan rinawmna thutiam tira lakluh an ni ta.

Lunglei Municipal Council (LMC)-a Councillor te lakluhna hun Convention Centre Hall, Lunglei-a neih hi LMC-a Chief Executive Officer H. Lalhmingthanga chuan kaihruaiin District Magistrate leh District Municipal Election Officer ni bawk Ramdinliani kaihhruaina in heng Councillor thlan thar 11 te hian Lunglei Municipality hnuaia Councillor a thlantlin an nih anga Sawrkar danpui in a phut angin rinawm tur leh an kova tla apiangte hlen chhuak tura Pathian hminga intiamna an nei a ni.

Hemi hnu hian District Municipal Election Officer Ramdinliani kaihhruaina hnuaiah LMC-a hruaitute thlan nghal a ni a, LMC Chairman atan Lalzuithanga (Ward No. III) thlan a nih bakah Vice Chairman atan K. Lalrinawma (Ward No. VII) thlan a ni a, anni hian Chairman leh Vice Chairman an nihna anga rinawmna thu tiamin lakluh nghal an ni bawk. LMC Chairman thar Lalzuithanga hian LMC Executive Councillor atan mi 2, Lalhruaitluangi Sailo (Ward No. I) leh Zorinsanga Hmar (Ward No. IX) te a ruat a, anni pawh hi nimin vek khan rinawmna thu tiam tiamin lakluh nghal an ni a. Hemi hnu hian LMC Board of Municipal Meeting hmasa ber chu Convention Conference Hall ah neih nghal a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man