Lunglei kan ngaihthah lo ang - Zoramthanga

MNF President leh Chief Minister Zoramthanga chuan Lunglei mipuite duhthlanna an hriat thu sawiin, “Kan ngaihthah lo ang,” a ti.

Aizawl Mizo Hnam Run Inkhawm nimin-a neih ah MNF President leh Chief Minister Zoramthanga chuan Lunglei Municipal Council inthlan chungchang leh MNF tlak fai vek avanga rilru a hrehawm thu sawiin, “Lunglei-ah Sawrkarin kan tihtur kan tih loh te, tih loh tur kan tihte avangin pawi kan ti a, an hriatthiamna kan dil a ni,” a ti a. “MNF chu pa chan chang kan ni a, kan faten lungawi lohna an lantir hi a elsen zawngin kan kal ngai lo. Min kaiharhtu ah hmangin, a aia tha zawkin hma kan la zawk thin. Serchhip bial-ah pawh bial dangte thik khawpin kan duhsak hlauh thung a ni,” tiin, “LMC inthlana kan tlakna leh party mite vuinaah insiamthat kan tum,” a ti a. “Lunglei-a kan tlakna hi inensan a hnekin kan ngaihsak sauh dawn a. Theihtawpa Serchhip kan enzui angin Lunglei-ah pawh kan ti zawk dawn. 'MNF nge nge hnam thinlung putu' an tih theih nan,”a ti a. “He kan tlakchhiatna hi min kaiharhtu a ni ang. Serchhip-ah kan experience tawh a. Tuirial by-election ah a rahchhuah kan hmu tawh a ni. MNF chu hnam neitu kan ni a, theitawpin hma ka la zel ang. Naktuk naktip atangin ral relin hma kan la nghal dawn,” a ti bawk.

Comments

Popular News (Last 30 Days)

LPG man bithliah thar