Inthlan kan nghakhlel - Lalduhoma

ZPM Leader Lalduhoma chuan, “MLA inthlan lo awm turah hian kan chak ang em kan hre lo a, inthlan erawh kan nghakhlel hle,” a ti.

ZPM chhung inkhawm nimin-a Aizawl-a an Party Office-a neih ah ZPM Leader Lalduhoma chuan Kalphung thar duhtu leh kawng dik zawh duhtu Pathian in mi thar duhawm tak tak a pek belh zel chu a lawmawm takzet tih sawiin, “Serchhip by-Election leh LMC inthlanah sum thil tihtheihna khenbeh a ni a, hei hian kan ram hawi zawng leh kalphung tur nasa takin a her danglam mek a ni,” a ti a. ZPM chu hnehna changtu an ni lo tih sawiin, “Hnehtu chu Pathian leh mipuite an ni. Mipui leh Pathian chaknaah kan innghat a, beiseina kan nei sang hle. MLA inthlan lo awm turah hian kan chak ang em kan hre lo a, inthlan erawh kan nghakhlel hle,” a ti bawk.

ZPM Leader chuan an sawrkar a nih chuan Land Reform an ngai pawimawh dawn tih pawh sawiin, “Kan ram leilung awih dan ang zelin leilet, terrace leh thingtlang lo neihna tur ruahmanna kan siamfel vek tawh a, Forest Reserve awmna tur thlengin ruahmanna kan siam tawh a ni,” a ti a. “ Thlai zawng zawng a man rate bituk sa siamin kan lei thei dawn lova, item pali-ah kan insawrbing phawt dawn,” tiin chungte chu Sawhthing, Aieng, Hmarcha leh Hmunphiah te a nih thu a sawi bawk.

Comments

Popular News (Last 30 Days)

LPG man bithliah thar