L&J MInister in MHIP Conference a hmanpui

Law & Judicial Minister TJ. Lalnuntluanga chuan nimin khan MHIP Hringlangtlang Block Conference hmasa ber chu Mualkawi Community Hall-ah khuallian niin a hmanpui a, Champhai Sub-Hqrs. MHIP Member zinga India rama Tribal hmeichhiate dinhmun chawikan kawnga thawhhlawk zual 'Women Achiever' 75 thlanchhuah zinga tel pha Laldinngheti, Champhai Bethel Veng a awm leh member-pui ten ngaihlua chawimawina chang an hria chu fakawm a tih thu a sawi a. Khawvel changkang leh thang zelah hnamdang tihdan leh nunphung lakchhawn a hluar tawh thu sawiin, hnam nunphung, ziarang leh sakhuana ten pawlhdal an tawh loh nana zahawm taka chawilar thintu MHIP te hmalakna ropui a tih thu a sawi bawk.