BJP sawrkar a din theih nan theihtawp chhuahin kan thawk - Vanlalhmuaka

BJP Mizoram President Vanlalhmuaka chuan Mizoram-ah BJP Sawrkar a din theih nan theihtawp chhuahin an thawk tih a sawi.

BJP Mizoram in nimin-a Kar thar Inhlanna leh Political Session an neih ah BJP Mizoram President Vanlalhmuaka chuan he thu hi sawiin, BJP sawrkar a di theihna tura an thawhna chu mahni an inngaihtuah hmasak vang nilovin, Mizoram retheihna khur ata khaichhuah anih theih nan a ni tih a sawi a. Mi tam tak chuan BJP chu hrefuh lovin, dawt hmangin an bei ngat ngat thung nia sawiin, pawi a tih thu leh nakin lawkah chuan Mizoram mipui hian an la fak hun a thleng dawn tih a sawi a, “Vawiin a dawt hmanga BJP beitute erawh anmahni avanga hun rei tak rethei a an awm avangin an la kawk thung dawn a ni,” a ti bawk.

He hunah hian BJP MLA Dr. BD. Chakma chuan CADC Election lo awm turah BJP chuan Sawrkarna ngelnghet tak an din ngei dawn tih a sawi a, “Mizoram mipuite harsatna sutkian anih theih nan Sawrkar tha kan mamawh tih pawh sawiin, Mirethei te tana Sawrkar tha a awm theih nan BJP Sawrkar kan mamawh a ni,” a ti bawk.