Hun reilote ah Adhoc School thenkhat chu Provincialise tum a ni - Chief Minister

Chief Minister Zoramthanga chuan hun reilote ah Adhoc School thenkhat chu Provincialise tum a nih thu a sawi.

Mizoram Govt. Adhoc Aided School Teachers' Union (MIGASTU) Inkhawmpui lian nimin-a Aizawl Vanapa Hall-a neih a hmanpuina ah Chief Minister Zoramthanga chuan he thu hi sawiin, MIGASTU pawl-in sawrkara an thil beisei an thlen te chu a theih leh remchan dan ang zela a hlawhtlinna tur dap a nih thu a sawi a. Adhoc Aided School te provincialise chungchangah chuan dinhmun zirchiang zel chungin School provincialise tura hmalakna hi a tahtawl zela kalpui tum a nih dan a sawi a, hun reilote ah Adhoc School thenkhat chu Provincialise tum a nih thu a sawi a ni. Chief Minister chuan hripui leng leh beisei lawk loh khuarel chhiat te, thenawm rambuai avangte a State in harsatna a tawh dan leh State sum dinhmun in a tawrh phah thu te sawiin, chung zawng zawng karah chuan tha thlah lova hmasawn nan theihtawp chhuah zui zel a nih dan a sawi a. Ram hmasawnna atan hmathlir tha neih a pawimawh thu pawh sawiin, Mizoram pawhin ram hmangaihna tak tak nen hmathlir, tum ram nghet tak nen a hmalam a pan zel a pawimawh thu a sawi a. Mizoram in zirna kawnga hma a sawn zelna tura mawhphurtu pawimawh berte zing ami zirtirtu kalkhawm chu tha thlah lova thahnemngai taka hna thawk chhunzawm zel turin a chah bawk.

MIGASTU Inkhawmpui-ah hian School Education Minister Lalchhandama Ralte pawhin sawrkarin zirna tihhmasawnna tura a hmalakna hrang hrang sawiin, sawrkarin zirlaite leh zirtirtute hmakhua a ngaihpawimawh thu a sawi a. Education huang chhunga Association hrang hrangte nen thawhhona tha tak neih theih zel a ni chu lawmawm tiin, sawrkar pawhin sum dinhmun tha tawklo tak chungah pawhin a remchan dan ang zela an hmakhua a ngaihtuah zel thu a sawi a. Zirtirtu kalkhawm chu an zirtirte tana entawntlak ni zel turin a chah bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar