Ramri humhalh na tha ber chu hmasawnna peka luahchilh zel thei tura hmalak a ni - Serlui MLA

Serlui Bialtu MLA Lalrinsanga Ralte chuan ramri humhalhna tha ber chu ramri bula awm khua te hmasawnna peka luahchilh zel thei tura hmalak a nih thu sawiin, Vairengte chu Mizoram hmel lanna pawimawh tak a nih avangin mipuite leh khawtlangin hmasawnna an hmuh theihna turin theihtawp a hma a lak thin thu a sawi.

Mizoram leh Assam inrina bul Vairengte dai, Vengthar-a awm chhungkaw 6 te tana Electric Connection man tur sum a tum sak hlanna puala inkhawm nimin-a neih ah Serlui Bialtu MLA chuan ramri humhalhna tha ber chu ramri bula awm khua te hmasawnna peka luahchilh zel thei tura hmalak a nih thu hi sawiin, Vairengte Vengthar chu Mizoram ramri humhalhna tura sawrkar leh VC te tangkawpa an hmalakna a nih avangin a ngaih pawimawh thu leh an harsatna tawh te chu a theih ang anga chinfel sak a duh thu a sawi a. Vairengte chu Mizoram hmel lanna pawimawh tak a nih thu pawh sawiin, hei vang hian mipuite leh khawtlangin hmasawnna an hmuh theihna turin theihtawp a hma a lak thin thu leh Vengthar-a awm ten Tui connection an neih theihna turin Pipe fit vek tawh niin tunah hian tui dahkhawlna turin Tank siam zawh tep a nih thu a sawi a. Vengthar Internal Rad pawh PCC Flooring in kar thar mai atangin siam a nih dawn thu a sawi bawk.

Vairengte-a Vengthar hi kum hmasa lama Assam Police te leh Mizoram Police te inkahna bul, ramri humhalhna tura Serlui Bialtu MLA leh VC te hmalaknaa Inhmun neilote tana In hmun theh a ni a, tunah hian In 16 chu luahluh tawh niin heng zinga In 6 hian dan angin Electric Connection an nei tawh a, In 10 te hian pawisa an neih loh a vangin dan angin Electric Connection hi an nei lo thung a ni.

Hetianga Dan anga Electric Connection la nei lo te hi tunhnaiah P&E Department chuan an Connection lak mek chu an tihtawp sak a, heng mite hi bialtu MLA chuan an Electric Connection man tur hi tum sakin nimin khan heng pawisa te hi bialtu MLA hian a hlan a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man