GHSS zirlaiten CT Group of University an tlawh

CT Group of University, Punjab sponsore a Govt. Higher Secondary School, Serchhip a zirlaite leh zirtirtute Punjab-a kal te chuan nimin khan Serchhip an rawn thleng leh ta.
CT Group of University sponsore-a GHSS Serchhip atanga Study Tour-a kal te hi zirlai 50 leh zirtirtu 5 niin April 10 khan Serchhip an chhuahsan a, CT Group of University hmunhma hrang hrang te tlawhin, zirna peng hrang hrang an neih te an zuk zirchiang a, zirlaite leh zirtirtu kalten an hlawkpui hle tih an sawi a. CT Group of University-ah hian Course hrang hrang 60 chuang zir theih a ni a, University changtlung, ngelnghet leh rintlak tak a nih thu pawh sawiin, heta zir duh hi an awm chuan GHSS Serchhip zirtirtute hnenah zawhchian theih reng a ni tih an sawi bawk.

He Study Tour-a kal te hian Golden Temple, Jalian Wala Bhag, Qutub Minar, India Gate leh Pakistan Border-te an tlawh nghal bawk a. Hetianga Study Tour an neih theih nana hma lak saktu CT Group of University Department of Tourism-a Principal Rohit Sharma chungah zirlaite leh zirtitute an lawm hle tih an sawi bawk.