Tuikum bialtu MLA in a bial a hnathawh mek enfiah

Tuikum bialtu MLA leh Minister Er. Lalrinawma chuan nimin khan a Bial chhung khaw thenkhat a hmasawnna hnathawh hrang hrangte tlawhin a dinhmun a enfiah.
Er. Lalrinawma hian a Bial chhunga Hmuntha, Khawbel, Hualtu leh Vanchengte a School building sak mek te, Khelmual laih mekte leh School building sak thar turte chu a hmunah kalin a enfiah a. A bial chhung hmalakna zingah eizawnna, zirna leh hriselna te chu a ngai pawimawh zual hle reng tih sawiin, mipuiten hma an sawn tlan theihna tura thil tha an hriatte a hnena inthlahrung hauh lova thlen thin turin khawtlang leh pawl hrang hrang hruaitute chu a sawm a, hmasawnna hnathawh mek leh bul tan mai tur hmabakte chu mahni ta ang taka thawk tur leh enkawl zui tura a duh thu a hrilh bawk a ni.


Heng hmun hrang hrang a tlawhna ah hian Minister hi SEDP Tourism & Sports Board Member H. Lalroliana leh khawtlang hruaituten an tawiawm a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar