Serchhip SP thar in NGO hruaitute a kawm

Serchhip District Superintendent of Police (SP) thar Vanlalnghenga chuan nimin khan Serchhip District-a NGO Coordination Committee hruaitute a Pisa-a leng-ah sawmin inkawmna an nei.
He inkawmna ah hian NGO Coordination Committee hruaitute chuan SP thar tha tak kan nei chu lawmawm an tih thu sawiin, hmalakna tura an ngaih pawimawh zingah ruihhlo hluar ta lutuk chungchang an tarlang a. A bik takin raltlan ten an duh hun hunah ramri an kan thei chu mi thenkhat ten remchang ah hmangin ruihhlo hi a hluar ta viau nia an hriat thu an sawi a, hemi chungchangah hian nasa zawka hmalak tul an tih thu an sawi a ni.


Heng bakah hian dan Kuhva rah tawlh thin chungchang te, Village Defence Party (VDP) te din thar leh thuamchak tul an tih thu te, Serchhip-a Traffic Police tih chak leh lirthei tam hun laia National Highway-54 kawngpui kam-a bungraw unload awm thin chungchang te leh Police ten ruihhlo an man ah YMA hruaitute Witness-a an tan changa harsatna an tawh thin te an sawi a. Khawpui chhunga lirthei tlan chak lutuk awm thin chungchang pawh an thlen bawk.

He inkawmna ah hian NGO hruaitute atangin YMA, MUP leh MHIP hruaitute an tel a, Serchhip SP thar chuan heng an thil thlen hrang hrangte hi lo enzui a nih tur thu leh a theih anga hmalak a nih tur thu sawiin, khawtlang tana thawhhona tha tak an neih zel a beisei thu a sawi bawk a ni. Serchhip SP hian Vawiin chawhnu hian Serchhip District MJA member te a kawm leh ang.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result