FOCUS hmalakna thlirlet

Nimin khan Serchhip-ah Fostering Climate Resilient Upland Farming Systems (FOCUS) District Level Coordination Committee chu thukhawmin kum kaltaa an hmalakna an thlirlet bakah kumthar atana an hmalakna turte an thlirho.
Serchhip DC Meeting Hall-a FOCUS District Level Coordination Committee thutkhawm hi Bawrhsap mawhphurhna la mektu Addl. DC Lalmuansanga Ralte chuan kaihruaiin Meeting koh chhan te a sawi hnuah Serchhip District FOCUS-a DPM K. Laltlanmawia chuan kum kalta chhunga an hmalakna te tarlangin, Agriculture Department, Horticulture Department, Land Resources, Soil & Water Conservation Department leh AH & Vety Department kaltlanga hma an lak thu a sawi a ni.


An hmalakna zingah Leilet la awm lohna hmuna siam te, Leilet te tak te te awmsa khawl hman theih tura bial khat-a siam te, Leilet-a Sangha khawi tur sem te, Dragonfruits chinna tur siam te, lei luangral tur venna atan Terrace laih leh thlai chin te, Check Dam siam leh tui lakna tha siam bakah Ar note leh a chaw leh vawk In sakna leh vawk note sem te a tel bawk a ni.

Serchhip District-ah hian FOCUS hi DPM kaihhruaina hnuaiah kalpui niin thawktu mi 37 an awm mek a, an zinga 16 te chu Village Level Worker niin Veterinary Field Assistant 7, Technical Officer leh Staff at Circle mi 3 ve ve, Asst. Manager 2 bakah Animal Husbandry Manager, Junior Engineer, Project Assistant, Boar Attendant leh Lab. Attendant mi pakhat theuh te an ni a. Tunah hian District chhunga khaw 43 huamin hei hi Circle pathum-ah then a ni a, Farmer Interest Group (FIG) 331 din ni tawhin member 5524 an awm bawk a, an zinga mi 4259 te chu Training pek an ni tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar