PMMSY hnuaia tanpuina dawng turte pawmpui

/

Nimin khan Serchhip-ah District Level Committee on Pradhan Mantri Matsya Sampada Yojana (PMMSY) chu thukhawmin kum 2022 - 2023 chhunga he Scheme hnuaia tanpuina dawng tura thlan te chu an pawmpui.
 Serchhip DC Meeting Hall-a District Level Committee on PMMSY thutkhawm hi Addl. DC Lalmuansanga Ralte chuan kaihruaiin Member Secretary leh Serchhip District Fisheries Development Officer Lucy Lalrinpuii chuan PMMSY Scheme kalphung leh he Schemea hnuaia Sangha khawihtute tana hamthatna awm thei te a sawi a. PMMSY hnuaiah hian Serchhip District tan tanpuina dil theih chi li (4) awmin heng ah te hian kum 2022-2023 atan tanpuina dilna thehluh hun siam niin heng dilna te hi enfiah a nih hnuah tanpuina dawng tura thlanchhuah te chu nimin thutkhawm ah  hian pawmpui a ni.


PMMSY hnuaiah hian Construction of New Pond hnuaiah tanpuina dawng tur mi 80 awmin Construction of New Rearing pond hnuaiah mi 50 thlanchhuah an ni bawk a. Paddy Cum Fish Cultivation hnuaiah tanpuina dawng tur mi 20 thlanchhuah ni bawkin New Fresh Water Finfish Hatchery-ah tanpuina dawng tur mi pakhat thlanchhuah a ni bawk a. Heng tan-puina hrang hrangah hian sawrkar laipui chuan za zela 54 tumin State sawrkar in za zela 6 a tum ve a tul bakah tanpuina dawngtu ten za zela 40 an tum ve a ngai bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »