DAY-NULM kalpui that vangin Award dawng

Mizoram sawrkar UD&PA Department chuan Central sawrkar Deendayal Antyodaya Yojana-National Urban Livelihoods Mission (DAY-NULM) Scheme a kalpui that vangin SPARK Award dawngin he Award hian cheng vbc. 10 a keng tel a ni.

Ministry of Housing & Urban Affairs (MoHUA) hian kumtin DAY-NULM Scheme atan State tinte target a pek mila hna thawk tha te tehfung SPARK (Systematic Progressive Analytical Real Time Ranking) chu kum 2019-20 Financial Year atangin a kalpui tan a. Incentive Award anga kalpui niin a hming-ah ‘SPARK Award’ vuah a ni a. Financial Year khat a Central fund dawn tur bakah Incentive Award pek belh thin a ni.

He tehfung hi a hming angin MIS leh Paisa Portal hmanga State tinte thla tin a an hnathawh leh hmalakna atanga teh a ni a. State/UT tinte hmalakna hi thla tin MoHUA chuan Review Meeting a buatsaih thin bawk a ni.

Mizoram hi North-East & Himalayan Range-ah awmin hemi huamchhung ah hian State 9 awmin, Award kalpui tan kum, kum 2019-20 ah pahnihna dinhmun luahin kum 2020-21 ah pawh 2nd Rank Award bawk a dawng leh a. Performance Incentive atana Fund cheng vbc. 6 dawn lai a lo dawng tawh a ni.

Kum 2021-22 leh 2022-23 Financial Year huamchhunga DAY-NULM Scheme hnuaia hmalakna te hi tehfung hrang hrang hmanga endik a nih hnuah March 31, 2023 khan Ministry of Housing & Urban Affairs chuan Mizoram chu SPARK Award 1st Rank dawng tur hian a rawn thleng a, he Award avang hian Mizoram sawrkar hnenah Performance Incentive cheng vbc. 10 a rawn pechhuak nghal a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man