Best Gram Pachayats-ah Ngopa thlan a ni

National Panchayat Award 2023 dawng tur tihchhuah ah Mi-zoram atangin Saitual District-a Ngopa khua chu India ram pumah Gram Panchayat leh a tlukpui, Village Council thawk tha chawimawina, Best Gram Pachayats-a lawmman pahnihna dawng tura thlan a ni.

Ngopa SDO (Civil) leh BDO VL. Tanpuia sawi danin, sawrkar laipui-a Ministry of Panchayati Raj in National Panchayat Award 2023 dawng tur a thlanna ah hian he intihsiakna hi tehfung hrang hrang 9 hmanga kalpui a ni a, heng zingah hian retheihna umbo, hriselna lam, naupangte dinhmun that dan, tui an hnianghnar dan, faina leh ramngaw that dan, VC te mahni-a an inenkawl theih dan leh inrelbawlna tha an neih dan, khawtlang nun him dan leh hmeichhiate tana hamthatna a awm dan te a ni a. Heng atang hian Ngopa khua chu India ram puma Gram Panchayat leh a tlukpui, Village Council thawk tha chawimawina, Best Gram Pachayats lawmman pahnihna dawng tura thlan a ni a, hei mai bakah hian Ngopa hi tehfung hrang hrang malkhai-ah pahnihna a ni bawk a, tun thla ni 17 khian New Delhi-ah President hnen atangin lawmman leh a ken tel cheng vbc. 1.25 an dawng dawn a ni.