Union Minister hnenah thlen

Mizoram Lok Sabha MP C. Lalrosanga chuan Ningani kalta khan Union Minister of State for Home Nityanand Rai chu a pisa-ah hmuin Mizoram chhim lama India leh Bangladesh inrina hrul kawng siamthat a tul thu a sawipui a. Tunhmaa Border Roads Organisation hnuaia kawng lo sial tawhte leh a hnua Central PWD-in a enkawl zuite pawh enkawl zui mumal a awm tawh lo a, a chhe tawh hle tih sawiin, Home Ministry Border Management in ramri kawng km 88.58-a thui siamthatna hma a lak tur chung-changah tha tawka siamthat leh enkawl zui a tul thu a sawi bawk. Hei bakah hian Myanmar leh Bangladesh atanga Mizorama sahimna zawnga Zo hnahthlak rawn tlanlutte dawnsawn leh enkawl chungchangah mihring dikna leh chanvo humhalh zawnga ramri vengtu sipaite an awm zui zel a pawimawh thu a sawi bawk a ni.