Tuichangral South Group YMA Conference tiak ta

Tuichangral South Group YMA Conference vawi 48-na Hmunzawl khuaa neih chu nizan khan a tiak ta.

Serchhip Sub-Hqrs. YMA hnuaia Group YMA pathum zinga pakhat, Tuichangral Group YMA Conference vawi 48-na hi tunkar Thawhlehni zan atang khan Hmunzawl Community Hall-ah neih niin Conference tan zan hian Palai lawm Inkhawm neiin Report hrang hrang ngaihthlak a ni a. Nilaini khan chawhma lamah Rorel inkhawm neiin an thurel zingah Khawllailung leh Hmunzawl inkar kawng chak zawk leh tha zawka Survey-a siam leh Blacktop hna thawh a nih theih nana hmalak te, Ruihhlo dona kawngah sawrkarin chak zawkin hma la rawh se tih leh Neih inang inkawp (LGBT) a hluar zel loh nan Central YMA hmala rawh se tih te chu a tel a. Chawhnu lamah Khawhar hla hmanga intihsiakna neih a ni bawk.

He Conference hi nizan hmasa khan Central YMA President R. Lalngheta chuan khuallian nia hmanpuiin ‘Ram leh Hnam humhalh’ tih thupui hmanga thusawi ngaihthlak a ni a, nimin khan kum 2023-2025 chhunga hruaitu tur thlanna neiin President-ah J. Vanlalzawnga (North Van-laiphai Rahsi Veng Branch); Vice President-ah B. Lalrohlua (Bawktlang Branch); Secretary-ah R. Lalneihsanga (Mualcheng Branch); Asst. Secretary-ah F. Lalruatdika (Leng Branch); Treasurer-ah Laltlansanga (Khawlailung Bung-hmun Branch) leh Fin. Secretary-ah V. Lalvuana (East Lungdar Branch) te thlan an ni.

He Conference-ah hian nizan khan Palai Thlahna Inkhawm neih niin Serchhip Sub-Hqrs. President Kawlthuama leh SEC Member ten an hmanpui a. Tuichangral South Group YMA huamchhungah hian YMA Branch 21 leh Joint YMA pathum a awm mek a ni.

Comments

Popular News (Last 30 Days)

LPG man bithliah thar