Serchhip-ah World Consumer Rights Day hmang
Serchhip-a ‘World Consumer Rights Day’ puala inkhawm ah hian Bawrhsap chuan mihring tu pawh mai hi thil leitu, Consumer kan ni a, Consumer te chuan dikna chanvo kan nei theuh a, Consumer Rights Day kan hman chhan ber chu thil leitu ten dikna chanvo hlu tak kan nei tih inhrilhhriatnan a ni, a ti.
.jpeg)
Bawrhsap chuan thil zawrhna hmun leh zawrh dan phungte a inthlak chak em em a, bungrua leh hmanrua pawh a thar tha zawk a pung zel angin sum leh pai-a inbumna pawh a pung zel tih kan hria a ni, a ti a. Heng thil zawrh leitute hian online hmangin kan lei a ni emaw, offline hmangin kan lei emaw pawhin Consumer kan nih angin dan hnuaiah engkim fel leh dik taka leitu kan nihna tura min vengtu Dan leh, chu Dan kengkawhtu chak tak chu kan nei a ni tih kan hriat a tul thu a sawi a. “Engpawh lei dawn ila kha kan thil lei kha enge a nih chiah tih chiang taka kan hriat a tul a, chutianga fiah taka va hriat hmasak te hi kan chanvo a ni,” tiin kan chanvo te inzirtirna uar taka neih zel a tul thu a sawi bawk.
Nimin-a he hun hman hi Serchhip DCSO leh District Consumer Protection Council-a Member Secretary Lalthanmawia chuan kai-hruaiin kum 2021 leh 2022-ah Serchhip District-ah Consumer Case 16 a luh thu leh chinfel vek tawh an nih thu a tarlang a ni. He hunah hian Serchhip District-a Lead Bank Manager Robert Zosangliana leh Serchhip District Consumers Association-a Secretary Laldinpuia ten thupui thlanbik hmangin thu an sawi bawk a ni.
Comments
Post a Comment