Lirthei chesual-ah hliam tuar

Nimin tlai dar 3:30 vel khan Serchhip Town chhung Bukpui leh Chhiahtlang inkarah mi 5 chuanna mimal Car pakhat chesualin Motor a chuang mi 5 te chuan hliam an tuar a, an zinga pakhat chu nizan khan ZMC lama enkawl tura phurh a ni.

Thudawn danin he Motor hi Alto 800 Car (Mz-01M-8053) niin Khawbel khaw mi Stephen Lalhriatpuia ta leh ama khalh niin nimin tlai ruahthimpui sur vel lai khan Serchhip atanga Khawbel pana a tlan laiin Bukpui leh Chhiahtlang inkar, Serchhip Bazar atanga KM 8 vela hla ah chesualin kawngthlang ah a tlanliam a, kawng thlangah meter 30 vel a lum a ni. He lirthei hi ruahsur avanga Motor Glass paw lutuk chu lirthei khalhtu in hrukfai a tum laiin chetsualna hi a thleng nia thudawn a ni.


He Motor hi mi 5 chuangin an zinga pakhat hi hmeichhia niin midang 4 hi mipa an ni a, an vai hian Khawbel khua vek niin vanduaina an tawh hnu hian mi tlawmngai ten lachhuak nghalin Serchhip Damdawi In rawn panpui nghal vek an ni a, an zinga mi Vanlalbeli (61) chu a nakruh tliakin a hliam na ber nia hriat a ni a, a lu-ah hliam tuar bawkin nizan khan ZMC a enkawl turin refer nghal a ni. Lirthei a chuang ve midang Khawbel VCP HS.VL. Thlamuana (47) leh a fapa J. Lalrinpuia (28) bakah J. Lalrinpuia fapa Lallawmzuala (3) te bakah lirthei khalhtu Stephen Lalhriatpuia (31) te chuan hliam na vak lo an tuar nia thudawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar