Sawrkar Ukil te nen thawhhona tha pawimawh ti

Legal Adviser to Chief Minister C. Lalramzauva chuan sawrkar Ukil-te leh Department tin-a Nodal Officer inkarah thawhhona tha a pawimawh thu a sawi.

Ni khat awh sawrkar Ukil leh Department Nodal Officer-te puala Training-cum-Workshop nimin-a Taxation Department Auditorium, Aizawl-a neih a hmanpuina ah he thu hi sawiin Adviser to Chief Minister chuan Court case tam takah Mizoram sawrkar a tel ve thin avangin an hna tha tak leh dik taka thawk turin he huna tel te chu a chah a. Court in dik tak leh chak zawka thutlukna a siam theihna turin tha taka Court puihtu ni turin sawrkar Ukil-te chu a ngen a, mimal dikna chanvo zahsak a tul hle rualin, Dan erawh dik taka kenkawh anih theih nana thawk turin chah a. The Limitation Act 1963 chu Mizoram-ah hman anih tawh avangin sawrkar ukil te chu an hnathawhnaah hmanhmawh thiam a, huntiam chhunga Law Suit File leh Appeal huna appeal thei turin a sawm nghal bawk a ni.

He hunah hian Chief Secretary Dr. Renu Sharma pawhin State dangte ngaihtuahin Mizoram-ah Court Sase a tlem hle tih sawiin, hei hi thil lawmawm tak a ni, a ti a. Law & Judicial Department ten ‘Mizoram State Litigation Policy 2023’ Notification an tichhuak ta chu fakawm a tih thu sawi bawkin, Sawrkar Ukil leh Department Nodal Officer-te chu technology chhuak thar te hmang tangkai turin a chah bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar