P&E Department-in an Minister hovin an Department hnathawh leh hmalakna thlirho

Power & Electricity Minister R. Lalzirliana hovin P&E Department chuan nimin khan an hnathawh dan leh hnathawh mekte thlirhona hun an buatsaih.

P&E E-in-C Conference Hall, Aizawl-a ‘Works Review Meeting’ ah hian P&E Minister chuan thiamna chuan engemaw chen mihring tizahawm mahse zahawmna tak tak chu mihring nungchangah a innghat ber tih sawiin, P&E Department hnuaia hnathawk zawng zawngte chu dik tak leh hlei nei lova thawk zel turin a chah a. Tunlai khawvel ah kawlphetha tel lovin eng hna mah a thawh theih loh tih hial a nih tawh avangin Power Supply pekchhuah tur a pung tulh tulh a, Staff indaihlohna karah hnathawh tur tam zel chu P&E Department hnuaia hnathawk zawng zawngte tan chona tling se tiin, bahlah miah lova mipui mamawh phuhruka theihtawp chhuah zel turin kalkhawmte a chah bawk. 

P&E Department hnathawh dan chungchang sawiin Minister chuan tun dinhmunah Mizoram in eng a hmuh that thu leh inhmakhua nachang hria a, Transformer thar bunna hmun tur zawnchhuah kawngah pawh an taimakna a fak a, thingtlang lamah pawh sawrkar hnathawh a lang tan viau tawha a hriat thu leh lawmawm a tih thu sawiin, P&E Department hnuaia hnathawk zawng zanwgte chu ram neitu thinlung tak tak pu chunga hnathawk zel turin duhsakna a hlan bawk.

He hun hi P&E Department E-in-C Er. Lalhmingliani Hmar chuan kaihruaiin kawlphetha pekchhuah that chu Department tum (target) a nih rualin sum lakluh (revenue) chu Department hlawtlinna tehfung pawimawh tak a ni thung tih a sawi a. “P&E hnuaia thawk zawng zawngte, Division hrang hrangte hnathawh that lama inelna tur siam a ni dawn a, Department chhungah inchawhthawh nana hmalakna thar a ni a ni a, hnathawk thate tan lawmman (award) siam a ni ang,” a ti bawk.

Power & Electricty Department-in North East Transmission Company (NETC)-a ‘shares’ a lei atanga kum 2022-2023 chhunga Dividend a hlawhchhuah Rs. 4,93,68,000/- chu nimin-a he hun hmanna ah hian NETC Asst. Manager Bikash Kumar Nayak chuan P&E Minister hnenah a hlan nghal a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar