Sawrkar laipui in COVID-19 avanga thla 18 chhung DA/DR arrear tlingkhawm pek tumna a nei lo

Sawrkar laipui chuan COVID-19 avanga thla 18 chhung Dearness Allowance arrear tlingkhawm chu Central sawrkar hnathawkte leh pensioner-te pek tumna a nei lo.

Nimin-a Lok Sabha thutkhawm ah Mizoram Lok Sabha MP C. Lalrosanga zawhna chhangin Union Minister of State for Finance Pankaj Chaudhury chuan sawrkar laipui hnathawkte Dearness Allowance leh Sawrkar laipui pensioner-te Dearness Relief installment thumna chu sum leh pai lama nasa taka harsatna thlentu COVID-19 avanga Sawrkar laipui phurrit chhawk zangkhai tura tihtawp (freeze) a ni tih a sawi a. Chuvangin, 2020-a Covid hripui lengin sum leh pai dinhmun chhiatna a thlente avang leh chungte avanga 2020-21 hnu lam thlenga sawrkar laipuiin mipuite hmakhaw ngaia sum senga hma a lakna te avangin 2020-21 bawr chho vela DA/DR pek hi tih chi ah ngaih a ni lo tih a tarlang bawk a ni.

COVID-19 in sum leh pai dinhmun a nghawng tihziaawm nan Dearness Allowance leh Dearness Relief arrear pek loh atangin cheng vbc. 34402.32 zet hum leh hman tangkai a ni tih MoS for Finance Chaudhury chuan a tarlang bawk a ni.