Aizawl DC Office sak that Cabinet kutah dah

December 17, 2021 zinga Aizawl DC Office kang ta sak that dan tur chu Cabinet Meeting kutah dah a ni tawh a, hetihlai hian he DC Office kang chungchangah Fire & Emergency Services Duty-te information an dawn hun atangin an che chhuak tlai lova, an lakah action lak a ni lo.

Tunhnai khan Chief Minister Zoramthanga hovin Aizawl DC Office sak that dan tur chungchang ah meeting neih a ni a, sak that dan tur rawtna hrang hrang awmte chu thlirhovin Cabinet Meeting-in a lo ngaihtuah zawm turin thu tihtluk a ni a, DC Office sak hna hi buaipui chhoh mek a ni.

Assembly Budget Session neih zawh taka Thorang bialtu MLA Zodintluanga zawhna, GAD changtu Chief Minister-in ziaka a chhan danin, Aizawl DC Office kang chungchangah sawrkarin enquiry ti tura a tih angin enquiry report lain peihfel a ni tawh a. Kangmei chhuak chungchangah Fire & Emergency Services duty-te information an dawn hun atangin an che chhuak tlai lo tih Chief Minister chhannaah tarlan niin hemi vang hian Fire Service duty-te lakah action lak a ni lo. DC Office, Aizawl kang ta ah Office File/Document kangchhia a awm a, File/Document chhinchhiahna nen lama a kan avangin a kang chhe zat hriat theih a ni lo bawk.

Comments

Popular News (Last 30 Days)

LPG man bithliah thar