NIT Campus-ah sawrkar chhanna nghak mek

Lengpui-a NIT Permanent Campus dinna tur chungchangah Forest Advisory Committee chuan Mizoram sawrkar atanga chhanna an nghak mek.

Nimin-a Parliament Budget Session-ah Mizoram Rajya Sabha MP K. Vanlalvena zawhna chhangin Union Minister of Environment, Forest and Climate Change Ashwini Kumar Choubey chuan Lengpui-a NIT Permanent Campus dinna tura Forest Clearance pek leh pek loh chungchang chu nikum (2022) June ni 13-a Forest Advisory Committee Meeting-in Mizoram sawrkar atanga ngenna lut chu an thlir tawh thu leh thil pawimawh dangah Mizoram sawrkar atanga chhanna an nghak mek tih a sawi. Lengpui-a NIT Permanent Campus din a nih theih nan hian kum 2020 January ni 22-ah Union Cabinet Meeting chuan cheng vbc. 669.75 a lo sanction tawh a. NIT Campus dinna tur hian cheng vbc. 334.78 hmanral tawh niin Forest Department in, “Reverine Reserved Forest a ni,” tia complaint an siam avangin tun thlengin hna thawh chhunzawm theih a ni lo a, sawrkar laipuiin sum a sanction tawh atangin cheng vbc. 334.97 chu khawih chet theih lohin a la awm ta reng a ni.

Lengpui hmuna NIT Campus Forest Reserve tihchhiat aiah Mizoram sawrkar chuan hmun dangah Forest Reserved zau zawk a siam tawh a. Lengpui-a NIT hmun nena inthleng dilna pawh Mizoram sawrkar hian Central sawrkarah kumin January ni 24 khan a lo thlen leh tawh bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar