MyGOV platform-ah CS in thawhpuina a ngen

Mizoram Chief Secretary Dr. Renu Sharma chuan MyGOV platform tha taka kalpui anih theihna turin Deparment hrang hrangte thawhpuina tha a ngen.

Nimin khan Chief Secretary Conference Hall, Aizawl-ah MyGOV Mizoram chungchang ngaihtuahin Chief Secretary leh sawrkar Department hrang hrang hotute chu an thukhawm a, he hunah hian Chief Secretary chuan MyGOV platform in a tum ber chu mipui hnena sawrkar hnuhhnaih a ni tih sawiin, sawrkarin thutlukna a siam turah mipuite tel ve a, mipuiten sawrkar an khalhngil theihna tur pawimawh tak anih thu a sawi a, sawrkar inrelbawlna ah mipuiten chanvo pawimawh tak an neih theihna tur anih thu a tarlang bawk. Chief Secretary chuan, “Sawrkar deparment hrang hrangte hmalakna ah mipui nghawng thei thil ah mipuite ngaihdan leh duhdan lak a ni ang a, chu chuan sawrkar thutlukna tha, ram leh hnam hmasawnna dik a thleng ang a, mipui sawrkar dik tak a thlen thei dawn a ni,” a ti bawk.

MyGOV platform hi central sawrkar chuan July 26, 2014 khan lo hmang tan tawh a, tun dinhmunah State 21 ten hmang tawhin Mizoram-ah pawh hman mek a ni a. MyGOV platform hi National Informatics Centre (NIC) te siam niin, Department of Information & Communication Technology(ICT) chu State Nodal Agency an ni.

He thutkhawm hi MyGOV inhmelhriattirna atan hman a ni a, MyGOV Mizoram hnuaiah hian Department hrang hrang ten Nodal Officer an lo ruat anga, Nodal Officer te hi Deparment of Information & Communication Technology (ICT) ten training an pe leh dawn a ni.

Comments

Popular News (Last 30 Days)

LPG man bithliah thar