LMC-ah Nomination paper pakhat hnawl a ni

Lunglei Municipal Council (LMC) inthlanna neih tura Nomination Paper thehluh zingah pakhat chu hnawl a ni.

LMC inthlanna Ward 11-a neih tura hming pekluh theih hun Zirtawpni thleng khan mi 44 in Nomination Paper thehlutin BJP Candidate pakhat chuan a Nomination Paper hnukdawkin Nomination Paper thehlut hi mi 43 an ni ta a, heng Nomination Paper thehluh te hi nimin khan LMC inthlanna atana Returning Officer atana ruat Donny Lalruatsanga leh M. Misael te'n endikin, mi 42 te pawm niin, Ward No. II (Reserved Ward)-a BJP Candidate chu kum 25 a la tlin loh avangin a Nomination paper chu hnawl a ni.

LMC inthlanna neih tur chuh tura Nomination Paper pawm te tan hian Vawiin tlai dar 3:00 thlengin inhnuhdawhna hun hawn a ni dawn a. Congress, MNF leh ZPM ten Candidate 11 theuh leh BJP in candidate 9 an nei mek a ni.